Sunnfjordreinen

Denne dagen var det meldt store nedbørsmengder og flaum frå klokka tolv. På ein sommar som i år kjem ikkje dette som nokon overraskelse, men ein veit å sette pris på timane med sol innimellom. Så difor vart det ein morgontur på Fauskevarden.

På veg opp i fineveret såg eg reinen. Så seint på sommaren held dei ofte til på snøfonnene som framleis ligg i området. Kamera var ikkje med, og eg måtte uansett kome meg heim, for flaum var eg ikkje kledd for.

Heime kunne eg konstantere at flaumen var utsett til natta. Ei skikkeleg regnbyge hadde vi rett nok på ettermiddagen, men når det klarna opp på kvelden var det klart at reinen den måtte oppsøkast. Med kamera og kveldslys denne gongen.

Omlag 20 dyr såg eg denne ettermiddagen. Dette er villrein, men dei stammar frå tamrein som vart utsett på syttitallet. Flokken i området rundt Fauske er for liten til at den klarer seg utan "import" av nye bukkar, og framtida til dyra er uviss.  

Utsyn mot Fauske etter solnedgang. Framleis klart og fint ver:)

Reinen og Keipen

For meg er det stas å få fotografere rein med Bremangerfjell og Ålfotbreen i bakgrunnen. Så her kjem ein traust komponert rein med klisjesolnedgang, no kalla grelle fargar. Uskarp er den og, men det kan ein ikkje sjå på webpublikasjon av så lite format. Dei skarpe, men framleis ganske trauste, reinane får vente til neste innlegg ;)

Nattefotografering

I slikt vér er det på natta ein finn det fine fotolyset. På Svalbard er det midnattsol, og den står høgt på himmelen! Her i nærleiken av Bjørndalen kvart over to.

Canon EOS 40D, Canon 300mm f2,8 L.

Ferietur:)

Kom til Longyearbyen i dag og rakk å besøke alle sportsbutikkane og bruke mykje penga. No er shoppinga over, og eg fekk til og med bli kompis med to rein i sentrum.

Canon EOS 40D, Canon 300mm

Reinen er her

Og det er sjølvsagt eg og:) Flokken består av 22 dyr.

Canon EOS 40D, Canon 300mm f2,8L. Lukker 1/640, blender f5.0. ISO 400.