tirsdag, august 16, 2011

Tango i Lofoten

Tango er ein raudrev med eit kvalpekull på sju. I fjor hadde ho sitt første kull og dei var tre. Berre ein av desse vaks opp, dei to andre vart påkjørt. Tango bur tett på både sauebønder og hytteturistar. Sauane får gå i fred, og den største faren for revane er nok biltrafikken.

Det har blitt lite fotoredigering i det siste. Mange bilete frå sommaren har blitt liggande på harddisk, medan Asus pc'en er returnert til forhandler for tredje gong. No føregår redigering i sneglefart med ein Acer Ferrari frå 2005 der det einaste som minner om fart er namnet. Å velge ut bilete føregår mest som loddtrekning, då førehandsvisning med Ferrari2005 tempo i kombinasjon med 7D filer er ei tolmodighetsprøve som går langt utover det akseptable. Men Ferrarien er i det minste stabil i motsetning til visse andre pc'ar. Drøymer om ei kjapp og driftsikker maskin (samt om å hive Asusdriten ned frå fjerde etasje på Storehagen Atrium) og tenker tilbake på tidene då det var kjekt med bilderedigering. Løysinga som ser ut til å vere mest realistisk for å stoppe frustrasjonen er fotografering utan minnekort..... Men slikt vert det jo ikkje resultat av. 


3 kommentarer:

Terje H sa...

Dagens tips: Du kan få kjøpe ein brukt D30 av meg, då vert det nok fart på Ferrarien. Hiver du Asusen ut glaset i 4. et. kan du kanskje få ein Asus Concorde. Spøk til sides: Stao pao, du har dine rettar. Bør vel vere iorden til du skal endå lenger nord. PS! Du er flink i loddtrekning - flott bilde :)

Anonym sa...

Kjempebilde! :)

Marion Lexau Nødset sa...

Takk for komentarar. Eg har no ein lånePC som etter 6 timer med nedlasting og oppdateringar er klar for bildevisning og redigering, trur eg :)Ryktet seier at leverandør har 31 dagar på å utbetre feilen. Håpar å aldri sjå Asusen igjen.