Tilbake på M/S Origo var det berre å pakke om og gjere klar til ny utflukt. Fjelltur eller Zodiak langs breen var turleiar sitt valg. Ja, takk begge deler sa vi. Ein fantastisk fjelltur i midnattsol med nærkontakt med rype, rein, fuglefjell og rev. Vel nede på stranda hadde det blåst opp og kapteinen ville ha oss rett tilbake til båten, så då vart det ikkje begge deler like vel..... Klokka fire var eg i seng, men på dekk måtte dei låre ein Zodiak på nytt for nokon hadde fått motorstopp og måtte ha assistanse. Etter nokre timar med søvn var eg klar for å finne reven i Ny-Ålesund. Ho var ikkje like interessert som oss andre i å bli festa til bildebrikka, men nokre glimt av revungane vart det no.
Fuglefell og Zodiak blant is fekk vi og tid til, men det var kaldt og når snøbyga kom dro vi tilbake til båten. Her vart det akkurat tid til eit "besøk" i pianobaren før middagen:)
Ingen kommentarer:
Legg inn en kommentar